Кыргызстандык мушкер Бексултан Өмүрзаков Азербайжанда өткөн ММА боюнча Ultimax Fight Night турниринде чемпиондук курдун ээси болду. Бул тууралуу анын машыктыруучусу Кенжебек Чекиров фейсбук баракчасына жазды.
Турнир Баку шаарында 28-июль күнү өткөн. Машыктыруучунун айтымында, кыргызстандык спортчу 90 кг чейинки салмак ченинде ирандык спортчуга каршы беттешке чыкмак. Белгисиз себептерден улам ирандык спортчу акыркы мүнөттөрдө рингге чыгуудан баш тарткан.
“Биз 100% жакшы беттеш көрсөтүүгө даяр элек. Бул чемпиондук кур Кыргызстандын ММА тармагын өнүктүрүүгө кичине салым болсун“, – деген билдирүү калтырган.
