Бишкек-Ош унаа жолундагы кырсыктан 4 адам жабыркаганын Өзгөчө кырдаалдар министрлиги билдирди. Билдирүүгө ылайык, Кара-Көл шаарында 28-июль күнү саат болжол менен 16:38де Бишкек-Ош унаа жолунун 374-чакырымында (Көк-Бел ашуусу) “Хонда Стэп” жана “Хонда Аккорд” үлгүсүндөгү унаалар сүзүшкөн.
Кырсык болгон жерге Өзгөчө кырдаалдар минстрлигинин куткаруучулары барып, жабыркагандарды унаадан чыгарып, тез жардам кызматына өткөрүп беришкен.
Учурда жабыркагандардын аты-жөнү такталууда.
