Президент Сооронбай Жээнбеков 14-октябрда, Баку шаарында Түрк тилдүү мамлекеттердин кызматташуу кеңешинин (ТТМКК) Жетинчи жыйынына катышуунун алкагында Азербайжан Республикасынын Президенти Ильхам Алиев менен жолугушту.

Эки тараптуу кызматташуунун келечеги, анын ичинде өлкөлөр ортосундагы соода-экономикалык жана маданий-гуманитардык байланыштарды бекемдөө маселелери талкууланды.

«Бүгүн биз баарлашуубузду улантып жатабыз. Саясий, экономикалык, гуманитардык жана башка чөйрөлөрдө мындан аркы кызматташуу маселелерин талкуулайбыз деп ишенем», — деп айтты Ильхам Алиев.

Ал Кыргызстан Азербайжанга  боордош өлкө, дос жана өнөктөш экенин өзгөчө баса белгиледи. Өлкөлөр ортосундагы байланыштар жылдан жылга бекемдей берерине ишенимин билдирди.

Ильхам Алиев Сооронбай Жээнбековго Кыргыз Республикасынын Түрк кеңешинде натыйжалуу төрагалык кылганы үчүн ыраазычылык билдирди.

Ал ТТМККда төрагалык кылууну кабыл алып жатып, кийинки жылы Уюмдун ортосундагы өлкөлөрдүн шериктештиги жана өз ара колдоосун бекемдөө жана кызматташтыктын реалдуу мазмунунун толтурулушуна бардык аракеттерди көрөрүн белгиледи. Ошондой эле ал Сооронбай Жээнбековдун Азербайжанга иш сапары жемиштүү жана ийгиликтүү болоруна ишеним билдирди.

Сооронбай Жээнбеков Баку шаарындагы ТТМКК Саммити мааракелик жана тарыхый мүнөзгө ээ экенин айтты. Азербайжандын Президентинин саясий эркинен улам Бишкек шаарында экономикалык жана гуманитардык кызматташуу боюнча Өкмөттөр аралык кыргыз-азербайжан комиссиясы ийгиликтүү өткөнүн өзгөчө белгиледи.

Ал бул жыйын эки тараптуу мамилелерге, өзгөчө соода-экономикалык чөйрөгө жаңы дем берерине ишеним билдирди.

Президент Сооронбай Жээнбеков Азербайжандын Президенти Ильхам Алиевди Кыргызстанга расмий визит менен келүүгө чакырды. Ильхам Алиев чакыруу үчүн ыраазычылык билдирип, 2020-жылдын экинчи жарымында Бишкекке расмий визит менен келүүнү пландап жатканын белгиледи.

Макала жактыбы?

НетДа
0
0
Loading...

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: