Баткен шаарында вице-премьер-министр Жеңиш Разаковдун төрагалыгы алдында Мамлекеттик улуттук коопсуздук комитетинин, Мамлекеттик чек ара кызматынын,  Ички иштер министрлигинин жетечилеринин, Башкы прокурорунун, Баткен облусунун жергиликтүү бийлик өкүлдөрүнүн катышуусунда чек ара маселелери боюнча координациялык кеңешме болду.

Вице-премьер-министр белгилегендей, мамлекеттик чек араны делимитациялоо жана демаркациялоо боюнча маселени чечүү туруктуу көзөмөлдө

«Мамлекеттик чек араны делимитациялоо жана демаркациялоо – татаал жана оор процесс. Тажик тарап менен сүйлөшүү процесси туруктуу негизде жүргүзүлүүдө, жумушчу топтор иштеп жатат, тараптар ортосунда белгилүү бир деңгээлде өз ара түшүнүү бар. Кыргыз тарап буга чейин жетишилген келишимдерди карманууда жана чек ара маселелерин тез чечүү максаты бар. Ошол эле учурда адам өлүмүнө алып келген, жергиликтүү элдин тынчсыздануусун жана кооптонуусун жаратып, чек ара тилкелеринде болгон окуялар сүйлөшүү процессин татаалдатууда. Күч түзүмдөрү жергиликтүү бийлик органдары менен биргеликте чек ара кызматташтыгын жана коопсуздукту бекемдөө боюнча иш-чаралардын комплексин жүзөгө ашырууну камсыз кылуусу керек, ошондой эле кандайдыр бир чагымчылдыкка жана чыр-чатактарга жол бербөө, аны алдын алуу максатында чек арага чектеш айылдардагы жергиликтүү элдин арасында натыйжалуу түшүндүрүү иштерин жүргүзүү керек.  Жергиликтүү бийлик органдары социалдык-экономикалык мүнөздөгү актуалдуу маселелерди чечүү боюнча эл менен активдүү иштөо зарыл», – деди Жеңиш Разаков.

Ал белгилегендей, тажик тарап менен жолугушуунун жыйынтыгында кол коюлган протоколго ылайык Баткен районунун жана Исфара шаарынын ортосундагы айрым жер тилкелерин бирдей жер тилкелерине алмашуу боюнча макулдашылган сунуштар иштелип жатат. Мындан тышкары бир катар унаа жолдорунда биргелешип күзөтүү жүргүзүлүүдө, ошондой эле бир нече жолдордо жол чырактар, байкоо камералары орнотулмакчы.

Кеңешменин жүрүшүндө башкы прокурор Өткүрбек Жамшитов, ички иштер министри Кашкар Жунушалиев, Мамлекеттик чек ара кызматынын башчысы Уларбек Шаршеев жергиликтүү бийлик органдарына өз сунуштарын беришти. Ошондой эле Жер ресурстары боюнча мамлекеттик агенттигинин директору Каныбек Ботобаев мамлекеттик чек араларды делимитациялоо жана демаркациялоо процесси жөнүндө баяндама жасады.

Координациялык кеңештин соңунда күч түзүмдөрүнүн жетекчилерине, жергиликтүү өз алдынча башкаруу органдарына чек ара аймактарында коомдук коопсуздукту жана тартипти камсыз кылуу боюнча комплекстүү иштерди жүргүзүү, ошондой эле тажик тарап менен сүйлөшүү процесси боюнча эл арасында маалыматтык-түшүндүрүү иштерин жүргүзүү тапшырмасы берилди.

Макала жактыбы?

НетДа
0
0
Loading...

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: 29