Манасчы, төкмө акын, эл агартуунун мыкты кызматкери Сапарбек Касмамбетов 87 жаш курагында дүйнө салды . Бул тууралуу манасчы шакирттери кабарлады.

Касмамбетов буга чейин «Эл манасчысы» жана «Залкар манасчы» деген наамдарды алган. «Манас-1000» юбилейлик медалынын жана «Даңк» медалынын ээси, 1987-жылдан бери Кыргызстанда өткөрүлгөн «Манас» айтуунун жети жолку жеңүүчүсү.

Сапарбек Касмамбетов манасчылыктан сырткары жазуучу катары да бир катар чыгармалардын автору. Ал «Эр Кошой» эпикалык чыгармасын айтып, аны өзүнчө китеп кылып чыгарган. Мындан сырткары «Асыл эне», «Билерик», «Балыкчы баяны», «Бала Манас» сыяктуу поэтикалык чыгармалары китеп болуп басылып чыккан.

Манасчылар Сапарбек Касмамбетов манасчы катары улуу дастанды балдарга жомок айтып берип жаткандай жумшак төгүп, так, түшүнүктүү тил менен баяндап бергени менен өзгөчөлөнгөнүн белгилешет. Маркумдун айтуусунда «Манастын» миңдеген саптары Улуттук илимдер академиянын өзүндө жана радио, телеканалдардын фондунда сакталып калды.

 

Макала жактыбы?

НетДа
2
0
Loading...

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: 138