Ош шаардык Спорт комитетинин башчысы Кылычбек Саркарбаевди кызматтан алуу маселеси келерки жуманын башында каралат. Бул тууралуу мэриянын басма сөз кызматы “Азаттыкка” билдирген. Буга спортчу Төлөгөн Рахманберди уулунун президентке видеокайрылуусу негиз болууда. Видеокайрылуу фейсбук социалдык тармагы аркылуу 14-февралда таратылган.

Анда Рахманберди уулу спорт комитетинин башчысы Кылыч Саркарбаев жана Нурбек Раимбеков баштаган топ ок атып, “бул тууралуу ооз ачсаң сенин жана Эмилбек Кимсановдун үстүнөн иш козготуп каматабыз” деп коркутушканын айткан. Нурбек Раимбеков кылмышка шектүү катары камалгандардын бири, Кара-Суу районунун Савай айыл өкмөтүнүн башчысынын иниси.

Рахманберди уулунун президентке кайрылуусун Ош шаардык Ички иштер башкармалыгынын басма сөз кызматы негизсиз, мурдагы көрсөтмөлөрүнө дал келбейт деп билдирди.

Ош облустук милициясы «Саркарбаев 2019-жылдын 22-сентябрында Ош шаарына жакын Фуркат айылында мурдагы милиция кызматкери, эрежесиз мушташ чебери Төлөгөн Рахманберди уулун аткан» деп маалымат тараткан. Кийин Рахманберди уулу өзүн өзү атып алганын айтып чыккан. Бул иш сотко чейинки өндүрүшкө алынып, териштирүү жүрүүдө.

Саркарбаев Ош мэриясынын Спорт комитетин 2015-жылдан бери башкарат. 2019-жылдын 27-декабрында Оштун мэринин жаштар үчүн уюштурган жаңы жылдык кечесинде «Жылдын мыкты жаш жетекчиси» наамы ыйгарылган.

Булак: “Азаттык”

Макала жактыбы?

НетДа
2
3
Loading...

Комментарии

  1. Кылыч менен Тологон бирге эле журушкон, ортодо акча талаш болгон деген имиш бар! “Достун тубу-доо” деген соз деле туура окшойт!
    Экоо тен кучтуу спортсмен!
    Криминалга аралашып кетишкендери окунучтуу!
    Спорт -достуктун, ынтымактын символу!……деген улуу соз чыныгы спортсмендердин гана журогундо болот!
    Ынтымакка келгиле Инилер!
    Кийин “аттин” деп бармагынарды тиштеп калбагыла!
    Кийин кеч болуп калат………..

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: 1 114

Разработка сайтов - bahtiiar.com