Ошто ишкердин унаасын тартып алган кылмыштуу топтун эки мүчөсү кармалды (сүрөт)

299

2020-жылдын февраль айында Ош облустук милициясына ишкерлик менен алектенген жаран кайрылып, опузалап талап кылуу жана анын мүлкүн ээлеп алуу фактылары боюнча билдирген.

Такталгандай, 2020-жылдын февраль айынын башында азият түспөлүндөгү бир нече белгисиз адамдар Ош шаарындагы кичирайондордун биринен коркутуп, «Opel» үлгүсүндөгү автоунааны өздөрүнө мажбурлап жаздырып, ишкердин автоунаасын ээлеп алышкан. Бир нече күндөн кийин ошол эле адамдар 3000 АКШ долларынан ашык акча каражатын тартып алышып, андан дагы ири суммадагы акча каражатын талап кылышкан. Алар талап кылган акча каражатынын жалпы суммасы-13 000 АКШ доллары.

Аталган факты КЖБРге катталып, “Опузалап талап кылуу” беренеси менен сотко чейинки өндүрүш башталган. Аталган кылмыш ишине уюшкан топтун жасагандыгы боюнча белгилери бар болгондуктан облустук ИИБдин КМКнын Уюшкан кылмыштуулук менен күрөшүү бөлүмү тарабынан ыкчам иштер жүргүзүлө баштаган.

Талап кылып жаткан 2800 АКШ долларын алып жаткан жеринен шектүүлөрдүн бири, мурда бир нече жолу соттолгон Кара-суу районунун тургуну 1973-жылы туулган Р.З. аттуу жаран кармалды. Ал эми экинчи шектүү, Кара-Суу районунун тургуну 1992-жылы туулган И.М. аттууну жабырлануучудан тартып алган «Opel» үлгүсүндөгү автоунааны айдап жүргөн жеринен кармашкан. Кармалган жарандар УКТнын мүчөсү катары ИИМдин ыкчам каттоосунда турушат. Учурда сотко чейинки өндүрүш уланууда. Аталган кылмышка тиешеси бар башка шектүүлөрдү кармоо боюнча иштер жүргүзүлүүдө.

 

Пикир кошуңуз

Пожалуйста, введите ваш комментарий!
Пожалуйста, введите ваше имя здесь