Леди Гага, Селин Дион, Билли Айлиш, Элтон Джон.. Эң ири онлайн-концертке жүз миңдеген адам күбө болду (видео)

291

Леди Гага, Rolling Stones, Селин Дион, Тейлор Свифт, Билли Айлиш, Элтон Джон, Стиви Уандер жана башка ондогон дүйнө “жылдыздары” жекшембиге караган түнү кайрымдуулук онлайн-концертке катышышты.

Дүйнөлүк саламаттык сактоо уюмунун катышуусу менен Global Citizens аттуу эл аралык аянтча тарабынан уюштурулган бул долбоор COVID-19га чалдыккандардын баарынын биримдигин көрсөтүп, ошондой эле медкызматкерлерге каражат чогултуу максатын көздөйт.

Виртуалдык концертке дүйнөнүн булуң бурчунан жүз миңдеген көрүүчүлөр күбө болду. Учурда уюштуруучулар 32 миллион евро чогултууга жетишти.

6 саатка созулган иш-чаранын демилгечиси Леди Гага аны COVID-19 пандемиясынан жапа чеккендердин “дүйнөгө сүйүүсүн жарыялоо” деп атады.

Концертке белгилүү футболчу Дэвид жана жубайы Виктория Бекхэм дагы кошулду. Мындан тышкары: Шон Мендес, Камила Кабельо, Дженнифер Лопес, Кит Урбан, Билли Джо Армстронг, Джо Леджент, Бейонсе ж.б. катышышты.


        

Пикир кошуңуз

Пожалуйста, введите ваш комментарий!
Пожалуйста, введите ваше имя здесь