Тажикстандын президенти орозону башка мезгилде кармоого чакырды

2 883

Тажикстандын президенти Эмомали Рахмон өлкө дыйкандарын орозону башка мезгилде кармоого чакырды. Бул тууралуу ал Рамазан айына карата жасаган телекайрылуусунда билдирди.

Рахмон мусулмандар үчүн ыйык эсептелген бул ай быйыл коронавирус пандемиясы күчөп турган учурдан тышкары жазгы айдап-себүү иштерине да туш келгенин белгиледи.

«Ошондуктан биз суу ичпей, тамактанбай, ошол эле маалда оор жумуштарда иштеп, ден соолугубузга зыян алып келбешибиз керек. Анткени бир күн бою ачка жүрүү иммунитетти начарлатып, жугуштуу ооруларды жуктуруп алуу тобокелдигин жогорулатат», — деди президент.

Рахмон өлкөдө коронавирус жуктуруп алган бир дагы учур катталбаганын белгилеп, жарандарды «тазалыкка, өзүнүн, үй-бүлөсүнүн жана жалпы коомдун саламаттыгын сактоого өзгөчө көңүл бурууга» чакырды.

Тажикстандын президенти 2019-жылы «өлкөнүн энергетикалык коопсуздугун камсыз кылуу үчүн» Рогун ГЭСинин куруучуларын орозону башка мезгилде кармоого чакырган.

Быйыл Борбор Азия өлкөлөрүндө Рамазан айы 24-апрелде башталат.

Комментарии

  1. Бул чакырык оор жумуштарда иштегендер учун болсо керек,кечке уйундо бекер жаткандар менен женил жумушта иштегендер тута берсе болот

  2. Жок туурамес менимче Тем более оору жок болгондон кийин орозо болот болчу Ал гана эмес биз керек болсо апрелдин баш жагынан бери кармап келатам буюрса баары жакшы дагы улантабыз буюрса

Пикир кошуңуз

Пожалуйста, введите ваш комментарий!
Пожалуйста, введите ваше имя здесь