Эрте бузулган азыктар менен бараткан жүк ташуучу унаалар тоскоолдуксуз өтөт

365

Эрте бузулган азыктарды өткөрүп бараткан жүк ташуучу унаалар өткөрүү пункттарынан тоскоолдуксуз өтөт.

Саламаттык сактоо министрлиги бекиткен алгоритм боюнча, медиктер мамлекеттик чек араны кесип өткөн жүк ташуучу унаалардын айдоочуларынын температурасын өлчөйт жана COVID-19 вирусунун белгилери бар-жогун аныктоого экспресс-тест жүргүзөт.

Эгерде анализдин жыйынтыгы оӊ чыкса, айдоочу обсервацияга алынат да, ага ПЧР-тест жасалат. Жүк ташуучу унаа жана жүк дезинфекцияланат.Унаа каражаты жүк алуучу башка айдоочу жибермейинче унаа токтотуучу жайда калат.

Эгерде жүк ташуучу унаанын айдоочусу тапшырган экспресс-тест терс болуп чыкса, анда ал 14 сутка өзүн-өзүн изоляция алары тууралуу документке кол коет. Муну айдоочу жашаган жерине караштуу Саламаттык сактоо министрлигинин кызматкерлери көзөмөлдөйт.

Мында, Чек ара кызматынан түшүндүрүшкөндөй, интернетте тарап жаткан айдоочуларды обсервацияга жаткыруу учуру бир гана жолу катталган.

Эрте бузулган азык-түлүктөрдү ташып бараткан жүк ташуучу унаа өткөрмө жайларынан тийиштүү текшерүүлөрдөн кийин биринчи кезекте жана тоскоолдуксуз өткөрүлөрүнө КР Мамлекеттик чек ара кызматы өзгөчө көӊүл бурат.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь