“Өлкө ичинде жылып жүрүүгө чектөө сакталат. Бир облустан башка облуска баруу мүмкүн эмес. Карантиндик режим бүтүндөй өлкө аймагында сакталууда, анын ичинде Бишкек, Ош, Жалал-Абад ири шаарларында дагы”, – деп билдирди биринчи вице-премьер-министр К.Боронов.
Өзгөчө абалды Орозо бүткөнгө чейин узартылышы мүмкүнбү? Эгерде узартылса, ал тууралуу качан жарыяланат?
“Бул жөнүндө азырынча айтуу кыйын. Анткени бул маселе мамлекеттик кызматкерлерден көз каранды эмес, бул бардык жарандардан жана эпидемиялык кырдаалдан көз каранды болот. Учурда бекитилген чектөөлөрдү карманып, өтө зарылдык жаралбаса, шаар ичинде жүрбөшүбүз керек. Бул биздин жарандык парзыбыз”, – деп жооп берди биринчи вице-премьер-министр Кубатбек Боронов.
