Бүгүн 5-майда Балыкчы шаарынан COVID-19 илдети менен ооруган акыркы бейтап айыгып чыкты. Бул маалымат облустук ыкчам штабынын отурумунда айтылды.
Эске салсак, буга чейин Ысык-Көл областы боюнча коронавирус менен ооругандардын 10 учуру катталган. Алардын баары айыгып үй карантинине жиберилген.
“Бүгүн коронавирус жуктурган акыркы бейтап ооруканадан чыгарылды. Учурда облуста коронавирус менен ооругандар жок”, – деди Саламаттык сактоо министрлигинин Ысык-Көл облусу боюнча координатору Мирбек Сагынбаев билдирди.
