“85 метрлик курулган дамба бир саат дагы туруштук бере алган эмес, сапаты өтө начар болгон.” Бул тууралуу Жогорку Кеңештин жыйынында вице-спикер Өмүрбек Бакиров Баткен жана Жалал-Абад областарында болуп өткөн селдин кесепеттерин жоюу боюнча көрүлүп жаткан чараларды талкууда айтты.
Өзгөчө кырдаалдар министри депутаттын айтканын четке каккан жок, анын айтымында куруу иштерин “Басыз” ишканасы аткарган.
Аталган компания сапатсыз иш аткарганы үчүн чыгымдарды өзү көтөрүп, кайра жасоо боюнча талап коюлганын Замирбек Аскаров белгиледи.
