Кызматтык иликтөөнүн натыйжасында патрулдук милициянын 4 кызматкери жазаланды. Буга чейин соцтармактарда тараган видеодо айдоочулар патрулдук унаанын ичинде отургандарга терезе аркылуу белгисиз нерсе беришкен.
Бул окуяга байланыштуу 2 кызматкер иштен алынып, дагы экөөнө сөгүш берилди. Патрулдук милиция кызматынын башкармалыгы тартип коргоочулар эмнени алып жатканын так көрсөткөн жок.
Юридикалык баа берүү үчүн тийиштүү материалдар прокуратурага жөнөтүлгөнүн билдирди.
