Өзгөн районунун Куршаб айылында «Хонда Джаз» унаасынын айдоочу 12 жаштагы баланы сүзүп, окуя болгон жерден из жашырып кеткен.
Жол кырсыгы 20-майда саат 22:00дөр чамасында катталган. 2008-жылы туулган О.Б. аттуу бала алган жаратынан улам жергиликтүү ооруканага түшкөн.
Ыкчам-издөө иштеринин натыйжасында сүзүп кеткен айдоочу 2 сааттан кийин эле табылып, ал 1948-жылы туулган А.Т. аттуу Өзгөн районунун жашоочусу экени аныкталды.
Аталган факт КЖБРге каттоого алынып, тийиштүү экспертизалар дайындалды жана унаа айып короого токтотулду.
