Эркинен ажыратылып абакта жаткан Садыр Жапаровдун бир тууганы Жапарова Райкүл Интерпол аркылуу Польшадан кармалды. Бул тууралуу маалыматты ИИМдин басма-сөз кызматы маалымдады.
Буга чейин Жапарова Райкүл Бишкек шаардык Октябрь райондук жана Бишкек шаардык соту тарабынан кылмыш-жаза кодексинин бир нече беренелери боюнча мүлкүн конфискациялоо менен 10 жылга эркинен ажыратылган. Өкүм анын өлкө аймагында болбогондугунан улам сыртынан угузулган.
Маалым болгондой Жапарова Райкүл 22-майда Польшанын укук коргоо органдары тарабынан кармалып, учурда аны кыргызстанга экстрадициялоо боюнча маселелер каралып жатат.
Белгилей кетсек, Жогорку Кенештин мурдагы депутаты Садыр Жапаров 11,5 жылга эркинен ажыратылган.
