Сокулукта 44 жаштагы киши өз атасын өлтүрүп, денесин темир челекке салып өрттөп жиберген. Бирок ал бардыгына атасын мезгилсиз дүйнөдөн кайтты деп айткан.
20-майда саат 21:30дар чамасында Сокулук РИИБне участкалык милициядан билдирүү түшүп, үйлөрдүн биринин короосунан адамдын денеси табылганын айткан. Сарбан айылындагы үйдөн 73 жаштагы Т.В. аттуу кишинин күйүп кеткен денеси аныкталган.
44 жаштагы уулу Т.И. суракка алынып, ал атасы мындан бир ай мурда жүрөк оорусунан көз жумганын билдирген. Бирок ал атасынын каза болгондугу тууралуу эч жакка кабар бербестен, маркумдун денесин челекке өрттөп жиберүүнү чечкен.
Өлүмдүн себебин аныктоо үчүн тийиштүү экспертизалар дайындалып, “Адам өлтүрүү” беренесинин негизинде Т.И. убактылуу кармоочу жайга киргизилди.
