26-майда саат 17:00дө Сокулук районунун Фрунзе айылындагы “Восточное” көлүнө 2000-жылы туулган жигит чөгүп кетти. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, окуя болгон жерге келген 9 куткаруучу сууга чөгүп кеткен жигиттин сөөгүн алып чыгып, милиция кызматкерлерине өткөрүп беришкен.
ӨКМ жарандарды сууга түшүү маалында коопсуздук чараларын сактоого жана жашы жете элек балдарды көзөмөлдөөгө чакырат.
