Ошто автоунаа уурдап качкан жигит кармалды

194
Ош шаардык ички иштер башкармалыгынын Ак-Буура милиция бөлүмүнүн кызматкерлери тарабынан кечээ 3-июнда 1990-жылы туулган, Ош шаарынын тургуну М.Ч. кармалды. Ал автомашинаны укукка жат түрдө ээлеп алып (автоугон), изин жашырганга шектелип жатат.
Ош шаарынын А.Масалиев проспектисинин тургуну өзүнүн «Тайота-Раум» үлгүсүндөгү автомашинасынын ушул жылдын 6-мартынан 7-мартына караган түнү белгисиз жарандар өз үйүнүн алдынан уурдап айдап кеткендиги тууралуу арыз менен кайрылган болчу.
Иликтөө издөө иштеринин натыйжасында бул кылмышка шектүү катары жогоруда белгилеген 1990-жылы туулган М.Ч. кармалды.
Учурда шектүү жарандын үстүнөн КР жазык кодексинин 206-беренесинин белгилери менен сотко чейинки өндүрүш иши ачылды, шектүү убактылуу кармоочу жайына киргизилди. Автомашина Ош шаарынын аймагындагы автоунаа коюучу жайлардын биринен табылып, ээсине кайтарылып берилди.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь