7-июнь күнү саат 04:00 чамаларында Бишкек-Нарын-Торугарт унаа жолунун 160-чакырымында (Көк-Мойнок-1 айылы) “Хонда Степ” унаасынын айдоочусу рулду башкара албай, унаа жолдон чыгып бетон тосмону сүзгөн. Бул тууралуу ӨКМдин басма сөз кызматы билдирет.
Жол кырсыгынан кесепетинен 3 адам жабыркаган (2 эркек 2001 ж.т., 1986-ж.т., 1 кыз 2002-ж.т.) жана 2 аял киши каза болгон (1981-ж.т., 1972 ж.т.).
ӨКМдин Балыкчы шаардык №19 АӨКБдан 3 куткаруучу тартылган.
Куткаруучулар каза болгон жарандардын жансыз денелерин унаадан чыгарып ИИМ кызматкерлерине өткөрүп беришкен. Ал эми жабыркагандар Балыкчы шаардык ооруканасына жеткирилген.
