Өзбекстандын Хорезм областынын Кушкуприк районунда бир нече аял кызды өз алдынча жазалашкан. Окуяны жанында турган киши видеого тартып алган.
Тасмада көрүнгөндөй, аялдар кыздын чачын кыркып аны таяк менен зордуктоого аракет кылууда. Алар кызды башка бирөөнүн үй-бүлөсүн бузду деген айып жазалап жатышат. Тартып жаткан киши кызды урууга эч ким тоскоол болбой туруусун айтууда.
Мындай кордуктун курмандыгы болгон кыз 20 жашта. Ал жазалап жаткан аялдын биринин уулу менен 2016-жылдан бери бирге жашап келген жана андан баласы бар. Окуя 9-июнда болгон.
“Сен эмне үчүн менин уул-келинимдин жашоосун бузуп жатасың“,- деген кайын эне өзүнүн тааныш аялдары менен кызды кордогон.
Ички иштер министрлигинин басма сөз кызматынын башчысы Шохрух Гиясов окуя боюнча түшүндүрмө берди.
“Катышуучулар Кушкуприк районунун ИИБне камакка алынды. Күнөөкөрлөр мыйзам чегинде жазаланат”,- деди Шохрух Гиясов
Ошондой эле жабырлануучунун абалы канааттандырарлык экенин кошумчалады жана соттук-медициналык экспертиза дайындалганын билдирди.
