Парламенттин коалициялык көпчүлүк жыйынында премьер-министрлик кызматка Кубатбек Бороновдун талапкерлиги каралып жатат.
Анда Жогорку Кеңештин вице-спикери Аида Касымалиева өкмөт башчы кызматы өлкөдөгү эң жогорку кызмат экендигин белгиледи. Касымалиеванын “Сиз сүйүнүп жатасызбы? Кандай ой-толгоолор бар?”, -деген суроосуна Боронов: “Ачыгын айтканда бул тууралуу мага кечээ кечинде гана белгилүү болду. Чоң жоопкерчиликти сезип жатам. Көп маселелерди кийинкиге калтырбай чечүү керек. Азырынча кубанбай элемин. Эртең бекитип бергенден кийин кубанам”, – дейт Кубатбек Боронов.
