Айрым тилкелердеги көчмө добуш берүүнүн жыйынтыгы жокко чыгарылды

118

Бишкек аймактык шайлоо комиссиясы айрым тилкелердеги көчмө добуш берүүнүн жыйынтыгын жокко чыгарды. Бул тууралуу Борбордук шайлоо комиссиясынан кабарлашты.

Бишкек аймактык шайлоо комиссиясына 10-14-апрель күндөрү шайлоочулардан, партиялардан жана байкоочулардан 54 даттануу түштү. Анын 38и добуш берүүнүн жыйынтыгына байланыштуу арыздар.

Комиссия даттанууларды карап чыгып, Бишкек аймактык шайлоо комиссиясы көчмө добуш берүүдөгү № 1023, 1028, 1029, 1036, 1309, 1311, 1312 тилкелериндеги добуш берүүнүн жыйынтыктарын жокко чыгарды.

Мындан тышкары аймактык шайлоо комиссиялары тарабынан №1051, №1157 участкаларындагы добуш берүүнүн жыйынтыгы да жокко чыгарылды.

Бишкек шаардык аймактык шайлоо комиссиясы учурда «Айкөл Кыргызстан», «Реформа», «Ыйман Нуру», «Социал-демократтар», «Патриот» саясий партияларынан түшкөн арыз-даттанууларды карап жатат.

 

Пикир кошуңуз

Пожалуйста, введите ваш комментарий!
Пожалуйста, введите ваше имя здесь