Кыргыз-тажик чек арасындагы чыр. Баткенде Тажикстан тарабынан ок атылды (Видео)

559

Кыргыз-тажик чек арасында ок атылды, деп билдирди Turmush басылмасынын кабарчысы өздүк булактарына таянуу менен.

Маалыматка караганда, бүгүн саат 11:00 чамасында Ак-Сай айылындагы Ак-Суу дарыясынын боюнан тажик жарандары экскватор жана «КамАЗ» менен шагыл алып чыгып кеткен. Ал эми 11:30 чамасында Баткен районунун Ак-Сай айыл өкмөтүнүн Көк-Таш айылындагы Ак-Суу дарыясында жайгашкан Баткен райондук суу чарба башкармалыгынын карамагындагы башкы суу алуу түйүнүн (Головной) жарыктандыруу үчүн коюлган мамычага тажик жарандары тарабынан видео көзөмөл орнотулган. Алар экинчи мамычага да орнотуп жаткан учурда кыргыз чек арачылары тарабынан токтотулган.

Кыргызстандын аймагына тажик тараптан коюлган видео көзөмөлдү алуу боюнча Баткен районунун акими А.Орозовдун тапшырмасы менен тийиштүү райондук мекеме-ишканалардын жетекчилери жана чек арачылар сүйлөшүүлөрдү жүргүзүп жатканда тажик тараптан ок атылган. Учурда кыргыз тарап видео көзөмөлдү алуу талабын коюп турат. Бирок тажик тарап макул болбой жатат.

Учурда сүйлөшүүлөр улантылып жатат. Чырдан эч ким жабыркаган жок.

Маалыматка караганда, аталган жерде кыргыз тарап оңдоо иштерин жүргүзүп жаткан учурда тажик тараптан 30дай адам менен келип, «бул жерди чогуу оңдойбуз, силер оңдобойсуңар» деп тоскоолдук жаратышкан. Андан кийин иштерди токтоттуруп салышкан.

Кийинчерээк Головной суу бөлүштүрүүчү жайында Баткен райондук суу чарба ишканасынын 10 кызматкери оңдоп-түздөө иштерин жүргүзүп баштаган учурда Тажикстандын чек арачылары нааразычылыгын билдирип, ишти токтотуусун талап кылышканы такталган.

Комментарии

Пикир кошуңуз

Пожалуйста, введите ваш комментарий!
Пожалуйста, введите ваше имя здесь