Москвада көк бөрү боюнча эл аралык мелдеш өттү

87

13-июнда Орусиянын Сергиев Пасад шаарынын Благовещенск талаасында өткөн эл аралык көк бөрү беттешинде Москванын көкбөрүчүлөрү баш байгени илип кетти. Экинчи орунга Иркутск шаарынын командасы ээ болду. Кыргызстандан “Атуул” командасы үчүнчү ал эми Подольсктун көкбөрүчүлөрү төртүнчү орунду алды. Бул тууралуу Кыргызстан Көк бөрү федерациясынын басма сөз катчысы Нурпери Садырбекова билдирди.

“Көк бөрүнүн маанисин эл аралык аренада көрсөтүп берүү үчүн Орусиянын Москва, Иркутск жана Подольск шаарларындагы командалардын ар бирине кыргызстандык экиден көкбөрүчү кошулуп ойноду. Бул иш-чара спортту өнүктүрүү максатын көздөйт”.

Турнир жазуучу Чыңгыз Айтматов атындагы кубок үчүн уюштурулган.

Көк бөрү таймашы Орусия жана Евразия элдеринин дене тарбия боюнча “Орус дүйнөсү” деп аталган бешинчи фестивалынын алкагында өткөрүлдү.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь