Жапаров кыргызстандыктарды коронавируска каршы эмдөөдөн өтүүгө дагы бир жолу чакырды

117

Президент Садыр Жапаров кыргызстандыктарды коронавируска каршы эмдөөдөн өтүүгө чакырды.

Анын кайрылуусу өзгөртүүсүз берилет:

«Урматтуу кыргызстандыктар!

КОВИД-19га каршы эмдөөдөн өтүшүңүздөрдү дагы бир жолу суранабыз.

Акыркы күндөрү ооруканага түшкөн жарандарыбыздын дээрлик 100 пайызы вакцина албагандар болуп жатат.

Бюджетибиз ансыз да эңшерилип турганда ого бетер оорчулук келүүдө. Жалпысынан 20 миллион долларга жакын каражатка вакцина алып келип жатабыз. Андан тышкары, бир оорулууну 14 күн дарылоо үчүн миң долларга чейин каражат сарпталууда.

Эмдөөдөн өтпөй коюу менен өзүңөргө, жакындарыңарга, кошунаңарга жана мамлекетке чоң зыян келтирип жатасыздар.

Ошондуктан, урматтуу кыргызстандыктар, көптөн-көп сураныч вакцина алыңыздар!».

Садыр Жапаров коронавируска каршы вакцинанын биринчи дозасын 23-июлда алган. Ал Кытайдын «Синофарм» вакцинасын тандады.

Бүгүн, 28-июлга карата Кыргызстанда 381 миң адам коронавируска каршы эмделди.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь