Кыргызстандын экономика жана финансы министри Акылбек Жапаров Ысык-Көлдө өтүп жаткан кыргыз-орус бизнес-форумунда сөз сүйлөп, өзүнүн идеаларын сунуштады. Аны менен бирге Орусиядан кезектеги грантты алууга үмүт кыларын билдирди.

Минкабдын төрагасынын орун басары Орусия Кыргыз-Орус өнүктүрүү фондуна жарым миллиард доллар грант бөлөт деген үмүтү бар экенин айтты. Ошондой эле, бул каражат жаңилдетилген шартта берилсе максатка ылайык болорун белгиледи.

Жапаров ОКӨФ алты жылдык ишинде Орусия бөлгөн «болгон 300 млн долларды» өздөштүргөн деп билдирди. Ал мындай болбошу керек, 2022-жылы дагы жарым миллиард долларды өздөштүрүү керек деп эсептейт.

Мындан тышкары, Акылбек Жапаров кыргыз-өзбек өнүктүрүү фонду Өзбекстандан 100 млн доллар аларын, ушундай эле сумманы Түркмөнстан дагы кыргыз-түркмөн өнүктүрүү фондун ачуу үчүн берерин айтып берди.

Жарым миллиард доллар өлчөмүндөгү грант үмүт кылганына карабай, Жапаров форумда доллардан баш тартып, рублга өтөлү деп айтканга үлгүрдү.

«Орусия менен Кыргызстанга котормочу же кулакчындын кереги жок. Анда эмнеге соода-сатыкта доллар деген котормочуну колдонушубуз керек? Биз Орусиядан көптөн бери суранып келебиз», — деди чиновник.

Жапаров ЕАЭБ аймагында чек арачылардын дагы кереги жоктугун айтты.

«Товарлар эркин өтөт деп макулдаштык эле, келгиле аны [келишимди] бузбайлы. Эркин соода жүгүртүү принциби — бар же жогу билинбейт. Бул жерге чек арачылар менен атайын кызматты тартуунун кажети жок. Биздин бизнестин товарларынан баңгизат же жашынып отурган террористтерди издеп», — деди Жапаров чек арачыларды алып салууну сунуштап, себеби ЕАЭБ — «бирдиктүү аймак».

*Ошол эле учурда, ЕАЭБ өлкөлөрү Кыргызстанды бир нече жолу кыргыз-кытай чек арасы аркылуу товар өткөрүп, алар Орусия, Казакстан жана Өзбекстанга кыргыз товары катары жеткирилген аткезчиликке айыптаган.

Булак: kloop.asia

Макала жактыбы?

НетДа
0
0
Loading...

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: