Бишкекте унаа айдап качып кеткен жаран кармалды

245

Бишкек шаарына караштуу Октябрь РИИБдин кызматкерлери унаа уурдоого шектүү жаранды кармашты.

Октябрь РИИБдин басма сөз кызматы билдиргендей, Бишкек шаарынын А.А. аттуу жараны арыз менен кайрылган. Ал 23-январга караган түнү 5-кичи районунда «Хонда Фит» үлгүсүндөгү унаасын белгисиз бирөө айдап качып кеткенин айткан.

Аталган факт боюнча Кылмыш-жаза кодексинин 211-беренеси (Автомототранспорт каражаттарын айдап качуу) менен кылмыш иши козголгон.

Ыкчам издөө иш-чараларынын негизинде кылмышка шектүү делип 1999-жылы туулган Д.У. кармалып, Бишкек ШИИББдин убактылуу кармоочу жайына 2 айга камакка алынды. Уурдалган унаа табылды.

Андан тышкары кармалган жаран мындан башка дагы 2 кылмышка тиешеси бар болушу мүмкүн деп божомолдонууда.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь