“Үйүнө тыт жегени чакырып”. Ноокенде 6 жашар кыз айылдашы тарабынан зордукталды

2 720

Жалал-Абад облусунун районунда 6 жашар кызды зордуктоо боюнча кармалган жарандын күнөөсү далилденди.

Жалал-Абад облустук милициясынан “Кабар” агенттигине билдиришкендей, Ноокен районунун 22 жаштагы С.Ш. аттуу тургуну арыз менен кайрылып, анда 26-майда саат 14:30 чамасында тууганынын 6 жашар А.С. аттуу кызы мектептен денесинде көгөргөн жана кызарган жараттары бар абалда, ыйлап келгенин жана аны “Акжол” аттуу кошуна киши зордуктаганын айткандыгын билдирген.

Жалал-Абаддагы укук коргоо уюмунун маалыматына ылайык, мектепке чейинки даярдоо классында окуган алты жаштагы үч кызды 28 жаштагы айылдашы тосуп алып, үйүнө «тыт жегени» чакырган.

“Шектүү кыздарга куурулган картөшкө менен жумуртка берип, ата-энелери тууралуу сураган. Андан соң ата-энеси ажырашкан кызды башка имаратка алдап алып барып, зордуктаган”, – деп айтылат маалыматта.

Аталган факт Кылмыштардын бирдиктүү реестрине катталып, Кылмыш-жаза кодексинин зордуктоо беренесинин негизинде кылмыш иши козголуп, соттук-медициналык экспертиза дайындалган.

Ыкчам-тергөө аракеттеринин жүрүшүндө бул кылмышка шектелип Ноокен районунун 1994-жылы туулган П.А. аттуу тургуну кармалган.

Шектүү убактылуу кармаоочу жайга 2 айга камакка алынган.

П.А.нын жасаган кылмыштуу аракеттери толгу менен далилденип, 2022-жылдын июнь айында соттун кароосуна жиберилген.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь