Бейшеналиев: “Атайы бизнес долбоор бар болчу. Ошого инвестиция кылына турган акча болчу” (Видео)

1 370

Бүгүн, 30-сентябрда Бишкектин Биринчи Май райондук сотунда пара алууга шектелип кармалган Билим берүү жана илим министри Алмазбек Бейшеналиевдин баш коргоо чарасы каралууда.

Учурда Бейшеналиев сотко жеткирилип, коюлган айыптар менен макул эместигин айтты.

Анын айтымында, берилген акча пара эмес.

«Атайы бизнес долбоор бар болчу. Ошого инвестиция кылына турган акча болчу. Мен күнөөлүү эмесмин, баары жакында аныкталат»,-деди Бейшеналиев.

Ал эми сот имаратынын алдына министрдин тарапташтары чогулду.

Кошумчалай кетсек, Бейшеналиев чет өлкөлүк студенттерди ата мекендик жогорку окуу жайларына киргизүү үчүн 110 миң доллар пара алуу фактысы менен кармалганын милиция 28-сентябрда кабарлаган. Ал эки суткага Бишкек шаардык ички иштер башкармалыгынын убактылуу кармоочу жайына камалган.

Булак: Говори тв

Пикир кошуңуз

Пожалуйста, введите ваш комментарий!
Пожалуйста, введите ваше имя здесь