Ош облусунун Кара-Суу районунда ок атышуу болду. Бул тууралуу укук коргоо органдарындагы өздүк булактар билдирди.
Маалыматка ылайык, эки адам октон жаракат алып, Ош шаардык ооруканасына жеткирилгени такталды.
«Маалым болгондой, беткапчан жана камуфляж кийген бир нече адам «Мерседес Бенц» үлгүсүндөгү унааны токтотуп, андан соң унаага ок чыгарып, изин жашырып кетишкен. Алдын ала маалыматтар боюнча, окуя бүгүн түнү Жим айылына жакын жерде болгон. Жаракат алган адамдар учурда жандандыруу бөлүмүндө», – деп айтылат маалыматта.
