Февраль айында бензиндин чекене баасы дагы 2-3 сомго арзандайт. Бул тууралуу Нефтетрейдерлер ассоциациясынан билдиришти.
Маалыматка ылайык, 2022-жылдын декабрь айынан бери Орусиядагы заводдо баанын төмөндөшүнө байланыштуу бензиндин баасы 5-5,5 сомго арзандады.
“2023-жылдын январь айынан бери бензин баасы 20 пайызга түштү. Мындан улам чекене баа дагы төмөндөдү. Февралда дагы арзандайт. Андан ары Россиядагы кырдаалга байланыштуу болот”,- дешүүдө Нефтетрейдерлер ассоциациясы.
