Президент Садыр Жапаров кол койгон Жарлыкка ылайык, Кыргыз Республикасынын жаратылыш ресурстары, экология жана техникалык көзөмөл министри кызматынан бошотулган Динара Кутманова Фейсбуктагы баракчасына билдирүү жазды.
“Жаш министрликти түзүү, бекемдөө жана өнүктүрүү узак жана ырааттуу ишти талап кылат. Мен бул ишке салым коштум. Бул тармакка келгенде, бул жерде баары кандай жүрүп жатат, бул жерде системалык коррупция абдан өнүккөн экен деп үрөйүм учту. Биринчиден, ал бөлүмдүн ичиндеги саботажга туш болдум, кызматкерлер өзгөрүүлөргө тоскоол боло башташты, анткени алардын көбү бул жерде көп жылдар бою иштеп, түзүлгөн коррупциялык схемаларга эрксизден тартылышкан. Мен каардуу системага каршы күрөштү баштадым жана буга чейин да көп иштерди жасадым. Бул күрөш уланат деп үмүттөнөм. Министрликтин ар бир кадамы жаратылышыбыздын, келечек муундардын жыргалчылыгына багытталсын!”,- деп жазды Кутманова.
