Өзгөн районунда жашы жете элек кызга карата жосунсуз жоруктарды жасаган жаран кармалды. Бул тууралуу 24.kg агенттиги укук коргоо органдарындагы өздүк булактарына таянып билдирди.
Маалым болгондой, 60 жаштагы айыл тургуну 12 жаштагы кызды алдап унаага салган.
«Аны туугандары кармап, милиция кызматкерлерине өткөрүп беришкен. Ал таксист болуп иштеп келген. Алдын ала маалыматтар боюнча, кызды унаага салып, ага карата ыплас аракеттерди жасай баштаган жана бул биринчи жолу болуп жаткан жок. Аталган жаран кызды бул тууралуу апасына айтса, өлтүрүп салам деп коркуткан. Шектүү кармалып, соттун чечими менен Ош шаарындагы СИЗОго киргизилди», – деп билдиришкен өздүк булактар.
