“Ала-Арча” мамлекеттик резиденциясында соода-экономикалык, илимий-техникалык жана гуманитардык кызматташуу боюнча кыргыз-орус өкмөттөр аралык комиссиясынын тар курамдагы кезектеги жыйыны башталды.
Комиссиянын теңтөрагалары Кыргыз Республикасынын Министрлер Кабинетинин Төрагасы Акылбек Жапаров жана Россия Федерациясынын Премьер-министринин орун басары Алексей Оверчук.
Жолугушуунун жүрүшүндө тараптар эки тараптуу кызматташтыкты өнүктүрүүнүн учурдагы абалына жана мындан аркы келечегине байланышкан маселелердин талкуулоону пландаштырууда.
Сүйлөшүүлөрдүн жыйынтыгында бир катар документтерге кол коюу пландалууда.
